Тыдзень у ДУ "Мае бяспечныя паводзіны летам"
У дашкольнай групе прайшоў тыдзень па тэме 'Мае бяспечныя паводзіны летам", мэтай якога было стварыць умовы для фарміравання і замацавання ў дзяцей асноў жыццядзейнасці.
Выхаванцы разам з дарослымі наведалі горад дарожных знакаў, дзе паказалі сябе знаўцамі ПДР. Пасябравалі з мэрам горада Святлафорычам, ад якога атрымалі салодкія пачастункі.
З інспектарам Пажаркіным гулялі ў рухальныя гульні "Хто хутчэй патушыць пажар", "Хто меней зробіць скачкоў - дабярэцца да пажара" і дыдактычныя гульні "Зрабі правільна", "Назаві якасці агню", "Што нельга браць без дазволу дарослых?", дзе паказалі спрыт, хуткасць рэакцыі і раней набытыя веды.
Малышоў наведалі даўняшнія сябры Пчала Жужа і Камар - Піскун, якія расказалі і разам інсцэніравалі экалагічную казку "Як Заяц у лесе заблукаў". Каб дапамагчы Зайцу, з канструктара зрабілі пабудовы " Шалаш", "Укрыцце ў лесе", а потым дружна абгулялі пабудовы ў сюжэтна - ролевай гульні "Падарожжа сяброў у лес".
Тыдзень прайшоў эмацыянальна насычаным і карысным для дзяцей і дарослых.
