Адкрыты занятак для маладога спецыяліста
У рамках Тыдня маладога спецыяліста з выхаванцамі старэйшага ўзросту дашкольнай групы ўстановы выхавальнікам Анісеня Л.М. падрыхтаваны адкрыты занятак па адукацыйнай галіне «Элементарныя матэматычныя ўяўленні”. На занятак былі запрошаны педагогі ўстановы, малады спецыяліст – выхавальнік Касінская В.А. і законныя прадстаўнікі выхаванцаў. Людміла Міхайлаўна сумесна з дашкольнікамі ў час занятку паказалі, якіх поспехаў яны дасягнулі ў працы над выканеннем заданняў, каб дапамагчы Іншапланецяніну пабудаваць касмічны карабель. У заданні "Чароўны мяшэчак" дзеці замацавалі ўменне параўноўваць прадметы па трох прыметах. Практыкаванне "Зоркі-сплюшкі" спрыяла развіццю ўмення вызначаць адносіны паміж лічбамі з дапамогай знакаў "больш", "менш", "роўна".
Паміж заданнямі была праведзена пальчыкавая гімнастыка з выкарыстаннем Су-Джок кольцамі. Зняць эмацыянальнае напружанне дапамагла рухальная гульня "Чакаюць нас хуткія ракеты".
Калегі адзначылі высокі ўзровень падрыхтоўкі і правядзення занятка. На занятку прысутнічала яркая і якасная нагляднасць, выкарыстаны інфармацыйныя тэхналогіі, розныя формы работы.
Задаволены вынікам занятка былі не толькі педработнікі, але і самі выхаванцы і іх бацькі.
