Лес. Дрэвы. Грыбы
Увесь апошні тыдзень выхаванцы дашкольнай групы працавалі па тэме "Лес. Дрэвы. Грыбы".
На занятку "У госці да Дзятла Дзюка" па адукацыйнай галіне "Дзіця і прырода" дзеці дапамаглі дрэвам вярнуць свае лісточкі і плады, выбраць месца і пабудаваць агароджу для мурашніка, паўтарылі правілы паводзін у лесе.
Дзяўчынкам і хлопчыкам так спадабалася падарожнічаць з Дзятлам Дзюкам, што ўсе дружна запрасілі яго на сумесную прагулку. Атрыманыя на занятку ўяўленні, малышы замацавалі у рухальных гульнях "Да названага дрэва бяжы", "Хто хутчэй збярэ ядомыя грыбы". З мэтай актывізацыі мысліцельна- пошукавай дзейнасці правялі даследаванне "Як дрэвы рыхтуюцца да зімы". А вечарам выхаванцы падрыхтавалі свайму новаму сябру падарункі і шчыра паабяцалі быць актыўнымі ахоўнікамі прыроды.
