Выхаванцы групы інтэграванага навучання і выхавання наведалі паштовае аддзяленне
У рамках тыдня “Мая вёсачка” выхаванцы групы інтэграванага навучання і выхавання наведалі паштовае аддзяленне. Галоўнай мэтай стала: замацаванне і фарміраванне ўяўлення аб працы паштовых работнікаў, папаўненне слоўніка дзяцей новымі словамі, выхаванне павагі да працы людзей.
Выхавальнікамі быў распрацаваны бяспечны шлях. У час пераходу дарогі выхаванцы паўтарылі правілы дарожнага руху.
На прыступках ганка сустрэла выхаванцаў загадчык паштовым аддзяленнем Грышко Алена Канстанцінаўна. Яна паказала дзецям яшчык для паштовак і расказала, як пісьмы знаходзяць свайго адрасата. Унутры будынка дашкольнікі відавочна ўбачылі працу аператара і паштальёна. З вялікім задавальненнем выхаванцы дапамаглі пасартаваць газеты і часопісы. Потым старэйшыя і маленькія вызначалі, што можна пакласці ў вялікую і маленькую ўпакоўку для пасылак. А колькі ўзнікла спрэчак наконт таго, якая марка прыгажэйшая!
У канцы экскурсіі выхаванцы пажадалі работнікам пошты моцнага здароўя і плённай працы.
